நீங்கள் தேடியது "ஸ்மார்ட் டிவி"

சியோமி நிறுவனம் தனது Mi டி.வி. 4 ப்ரோ 55-இன்ச் 4K ஹெச்.டி.ஆர். ஸ்மார்ட் டி.வி. மாடலின் விலை ரூ.2000 குறைக்கப்பட்டுள்ளது. இந்தியாவில் இந்த ஸ்மார்ட் டி.வி. ரூ.49,999 விலையில் ஐந்து மாதங்களுக்கு முன் அறிமுகம் செய்யப்பட்டது. 

இந்நிலையில் சியோமி ஸ்மார்ட் டி.வி. மாடலின் விலை குறைப்பிற்கான அறிவிப்பு வெளியாகியுள்ளது. முன்னதாக சாம்சங் நிறுவனம் தனது 4K ரக புதிய தொலைகாட்சி மாடல்களை இந்தியாவில் அறிமுகம் செய்தது குறிப்பிடத்தக்கது.

முன்னதாக ஜனவரி மாதத்தில் சியோமி தனது Mi எல்.இ.டி. ஸ்மார்ட் டி.வி. 4ஏ 32 இன்ச், Mi எல்.இ.டி. டி.வி. 4சி ப்ரோ 32 இன்ச், Mi எல்.இ.டி. டி.வி. 4ஏ ப்ரோ 49 இன்ச் மாடலின் விலையை சியோமி குறைத்தது. ஜனவரியில் தொலைகாட்சிகளுக்கான ஜி.எஸ்.டி. வரி குறைக்கப்பட்டதால் டி.வி. விலையை குறைப்பதாக சியோமி தெரிவித்தது.

விலை குறைப்பை தொடர்ந்து சியோமி Mi எல்.இ.டி. 4 ப்ரோ 55 இன்ச் மாடல் ரூ.47,999 விலையில் விற்பனை செய்யப்படுகிறது. இதனை பயனர்கள் ப்ளிப்கார்ட், அமேசான், Mi அதிகாரப்பூர்வ வலைதளம் மற்றும் Mi ஹோம் ஸ்டோர்களில் வாங்கலாம்.

உலகின் முதல் 'எல்.இ.டி. ஃபார் ஹோம்' ஸ்கிரீனை சாம்சங் இந்தியா அறிமுகம் செய்துள்ளது. ஆக்டிவ் எல்.இ.டி. என்றும் அழைக்கக் கூடிய ஸ்கிரீன் வீட்டு பயன்பாடுகளுக்கு ஏற்ப பிரத்யேகமாக உருவாக்கப்பட்ட முதல் எல்.இ.டி. ஆகும்.

வீட்டினுள் பொழுதுபோக்கு இடைவெளியை ஆக்கிரமிக்கும் என எதிர்பார்க்கப்பட்டும் இந்த எல்.இ.டி. வாடிக்கையாளர்களுக்கு தலைசிறந்த வீடியோ அனுபவத்தை வழங்கும்.

சினிமா அனுபவத்தை எதிர்பார்க்கும், தலைசிறந்த ஆடியோ மற்றும் வீடியோ தரவுகளை சூப்பர் பிரீமியம் திரையில் பார்க்க விரும்புவோரை குறிவைத்து புதிய எல்.இ.டி. அறிமுகம் செய்யப்பட்டுள்ளது. இந்த திரையால் மிகவும் நுணுக்கமான வீடியோ தரத்தை துல்லியமாக வழங்க முடியும் என சாம்சங் தெரிவித்துள்ளது. 

மெல்லிய வடிவமைப்பில் மாட்யூலர் ஃபார்மேஷன் தொழில்நுட்பம் மூலம் பொருத்தக்கூடிய வகையில், பயனர்கள் விரும்பும் படி ஸ்கிரீன் அளவை மாற்றியமைத்துக் கொள்ளும் வசதி வழங்கப்பட்டுள்ளது. அந்த வகையில் பயனர் விரும்பும் படி திரையை எங்கு வேண்டுமானாலும் பொருத்திக் கொள்ளலாம்.

ஹெச்.டி.ஆர். பிக்சர் ரிஃபைன்மென்ட் தொழில்நுட்பம் கொண்டிருப்பதால் திரையில் வீடியோ பார்க்க நேரில் பார்ப்பதை போன்ற அனுபவம் கிடைக்கும் என்றும் காட்சிகள் மிகத்துல்லியமாக தெரியும். திரையை சுற்றி நிலவும் வெளிச்சங்களால் காட்சியில் எவ்வித இடையூறும் ஏற்படாது என தெரிவிக்கப்பட்டுள்ளது.

இந்த சீரிஸ்-இல் 110-இன்ச் FHD, 130-இன்ச் FHD, 220-இன்ச் UHD மற்றும் 260-இன்ச் UHD அளவுகளில் கிடைக்கிறது. இந்த திரை 1,00,000-க்கும் அதிக மணி நேரங்கள் உழைக்கும் என சாம்சங் தெரிவித்துள்ளது.

இந்தியாவில் சாம்சங் 'எல்.இ.டி. ஃபார் ஹோம்' ஸ்கிரீன் அளவுகளுக்கு ஏற்ப விலை ரூ.1 கோடியில் துவங்கி அதிகபட்சம் ரூ.3.5 கோடி வரை நிர்ணயம் செய்யப்பட்டுள்ளது.

இந்தியாவில் சியோமி நிறுவனத்தின் Mi எல்இடி டிவி மாடல்கள் விற்பனை துவங்கிய ஆறு மாதங்களில் ஐந்து லட்சத்திற்கும் அதிக யூனிட்களை விற்பனையாகி இருப்பதாக சியோமி தெரிவித்துள்ளது. 

சியோமி Mi எல்இடி டிவி 4 55 இன்ச், Mi எல்இடி டிவி 4ஏ 32 இன்ச் மற்றும் Mi எல்இடி டிவி 4ஏ 43 இன்ச் மாடல்கள் பிப்ரவரி மாதம் அறிமுகம் செய்யப்பட்ட நிலையில், இவை Mi அதிகாரப்பூர்வ வலைத்தளம், ப்ளிப்கார்ட் மற்றும் Mi ஹோம் ஸ்டோர்களில் விற்பனை செய்யப்படுகிறது.

இந்தியாவில் வேகமாக வளர்ந்து வரும் ஸ்மார்ட் டிவி பிரான்டாக இருக்கும் சியோமி Mi டிவி மாடல்களில் புதிதாக டிஜிட்டல் தரவுகள் வழங்க இருப்பதாக தெரிவித்துள்ளது. இதற்கென சியோமி நிறுவனம் சமீபத்தில் வைரல் ஃபீவர் நிறுவனத்துடன் இணைந்திருக்கிறது. மேலும் Mi டிவி மாடல்களுக்கென இரோஸ் நௌ தளத்துடன் இணைந்திருக்கிறது. அதன்படி ரூ.49 விலையில் புதிய திட்டங்களை அறிவித்துள்ளது.

புதிய மைல்கல் சாதனையை Mi ப்ரியர்கள் மற்றும் ஒப்பந்ததாரர்களுடன் பகிர்ந்து கொள்வதில் பெருமை கொள்கிறோம். வன்பொருள் வடிவமைப்பு, ஸ்மார்ட் பேட்ச்வால் யூசர் இன்டர்ஃபேஸ் மற்றும் மென்பொருள் சார்ந்த கூட்டணிகளை முடிவு செய்ய சில ஆண்டுகள் திட்டமிட வேண்டியிருந்தது. இதன் மூலம் ப்ரியர்களுக்கு சிறப்பான ஸ்மார்ட் டிவி அனுபவத்தை வழங்க முடிகிறது. தற்சமயம் மிக குறுகிய காலக்கட்டத்தில் ஐந்து லட்சம் இந்தியர்கள் பயன்படுத்துவது மகிழ்ச்சியாக உள்ளது என சியோமி இந்தியா ஆன்லைன் விற்பனை பிரிவு தலைவர் ரகு ரெட்டி தெரிவித்தார்.

இந்தியாவில் மார்ச் மாதம் அறிமுகம் செய்யப்பட்ட சியோமி ஸ்மார்ட் டிவி மாடல்கள் சியோமி ஸ்மார்ட்போன் போன்றே விலை குறைவாக நிர்ணயம் செய்யப்பட்டன. குறைந்த விலை என்பதோடு சியோமி வழக்கப்படி இவை ஃபிளாஷ் முறையில் விற்பனை செய்யப்பட்டு வந்தன.

அந்த வகையில் சியோமியின் Mi டிவி 4A மாடல் ப்ளிப்கார்ட் மற்றும் Mi அதிகாரப்பூர்வ வலைத்தளங்களில் ஓபன் சேல் முறையில் விற்பனை செய்யப்படுகிறது. முன்னதாக ஃபிளாஷ் முறையில் விற்பனை செய்யப்பட்ட வந்த சியோமி ஸ்மார்ட் டிவி மாடல்கள் 32 மற்றும் 43 இன்ச் அளவுகளில் கிடைக்கின்றன.

அந்த வகையில் Mi டிவி 4A வாங்குவோர் இனி ஃபிளாஷ் விற்பனைக்காக காத்திருக்க வேண்டிய அவசியம் இல்லை. கூடுதலாக ப்ளிப்கார்ட் சார்பில் ஒரே நாளில் விநியோகம் செய்யும் வசதி மற்றும் இலவச இன்ஸ்டாலேஷன், வட்டியில்லா மாத தவணை முறை வசதி உள்ளிட்டவை வழங்கப்படுகிறது.

இந்தியாவில் Mi டிவி 4A (32-இன்ச்) மாடலின் விலை ரூ.13,999 என்றும் 43 இன்ச் மாடல் ரூ.22,999 என நிர்ணயம் செய்யப்பட்டுள்ளது. இரண்டு டிவி மாடல்களும் ப்ளிப்கார்ட்  மற்றும் Mi அதிகாரப்பூர்வ வலைத்தளம், Mi ஹோம் ஸ்டோர்களில் விற்பனை செய்யப்படுகிறது. 

- 32-இன்ச் 1366x768 பிக்சல் ஹெச்.டி. எல்இடி டிஸ்ப்ளே

- 1.5 ஜிகாஹெர்ட்ஸ் குவாட்கோர் அம்லாஜிக் 962-SX கார்டெக்ஸ்-A53 பிராசஸர்

- மாலி-450 MP3  GPU

- 1 ஜிபி ரேம்

- 8 ஜிபி இன்டெர்னல் மெமரி

- MIUI டி.வி. சார்ந்த ஆண்ட்ராய்டு மற்றும் பேட்ச்வால்

- வைபை 802.11 a/b/g/n, 3 x HDMI , AV,  யு.எஸ்.பி. 2.0 x 2, ஈத்தர்நெட்

- H.263, H.264, H.265, MPEG1 / 2/4, WMV3, VC-1 வசதி

- 2 x 10W டோம் ஸ்பீக்கர்

- ஸ்டீரியோ, DTS

- 43-இன்ச் 1920x1080 பிக்சல் ஃபுல் ஹெச்.டி. டிஸ்ப்ளே

- 1.5 ஜிகாஹெர்ட்ஸ் குவாட்கோர் அம்லாஜிக் T962- கார்டெக்ஸ்-A53 பிராசஸர்

- மாலி-450 MP5  GPU

- 2 ஜிபி ரேம்

- 8 ஜிபி இன்டெர்னல் மெமரி

- MIUI டி.வி. சார்ந்த ஆண்ட்ராய்டு மற்றும் பேட்ச்வால்

- வைபை 802.11 a/b/g/n, 3 x HDMI , AV,  யு.எஸ்.பி. 2.0 x 2, ஈத்தர்நெட், SPDIF போர்ட்

- HDR 10, HLG, H.265 4K @ 60 / 30 fps, H.265 1080P @ 60 fps வசதி 

- H.263 1080P @ 30 fps, MPEG1 / 2/4 DivX4 வசதி

- 2 x 10W டோம் ஸ்பீக்கர்

- டால்பி விர்ச்சுவல் சரவுண்ட் சவுண்டு, DTS மற்றும் பாஸ் பூஸ்ட்

புதிய ஸ்மார்ட் டிவிக்களில் பேட்ச்வால் அம்சம் வழங்கப்பட்டுள்ளது. ஆன்ட்ராய்டு இயங்குதளம் சார்ந்த பேட்ச்வால் யூசர் இன்டர்ஃபேஸ் செயற்கை நுண்ணறிவு தொழில்நுட்பம் மூலம் இயங்குகிறது. செட்-டாப் பாஸ் மற்றும் ஆன்லைன் என தரவுகளை ஒற்றை தளத்தில் வழங்கும் வேலையை பேட்ச்வால் செய்கிறது. இத்துடன் வாடிக்கையாளர்கள் அதிகம் பார்த்து ரசிக்கும் தகவல்களை நினைவில் கொண்டு அதற்கேற்றவாரு வாடிக்கையாளர்களுக்கு பரிந்துரைகளை வழங்கும். 

சீன நிறுவனமான ஸ்கைவொர்த் இந்தியாவில் எம்20 சீரிஸ் புதிய ஸ்மார்ட் எல்.இ.டி. டி.வி. மாடல்களை இந்தியாவில் அறிமுகம் செய்துள்ளது. எம்20 சீரிஸ் 32-இன்ச், 43-இன்ச் மற்றும் 49-இன்ச் என மூன்று வித மாடல்களில் கிடைக்கிறது. இவற்றில் இன்பில்ட் கேம், வைபை, லைவ் டிவி ஆப்ஸ், நெட் ரேன்ஜ் ஆப் ஸ்டோர் உள்ளிட்டவை இடம்பெற்றிருக்கிறது.

எம்20 ஸ்மார்ட் எல்.இ.டி. டி.வி. சீரிஸ் DTS சவுண்ட் தொழில்நுட்பம் கொண்டிருப்பதால், சிறப்பான ஆடியோ அனுபவம் கிடைக்கும். கூடுதலாக பயனர் விருப்பப்படி தேர்வு செய்ய பல்வேறு பிக்சர் மற்றும் ஆடியோ மோட் ஆப்ஷன்களும் வழங்கப்படுகிறது. 49-இன்ச் மாடலை தவிர்த்து 32 மற்றும் 43-இன்ச் மாடல்களில் ஐ.பி.எஸ். பேனல் கொண்ட ஹெச்.டி. டிஸ்ப்ளே வழங்கப்பட்டுள்ளது.

ஸ்கைவொர்த் எம்20 சீரிஸ் பேஸ் மாடலாக இருக்கும் 32-இன்ச் டி.வி.யில் ஹெச்.டி. எல்.இ.டி. டிஸ்ப்ளே, 1366×768 ரெசல்யூஷன், 60ஹெர்ட்ஸ் ரிஃப்ரெஷ் ரேட், 20 வாட்ஸ் இன்பில்ட் ஸ்பீக்கர் அவுட்புட், ஹெச்.டி.எம்.ஐ. மற்றும் யு.எஸ்.பி. போர்ட்கள், குவாட்-கோர் பிராசஸர் மற்றும் டூயல்-கோர் கிராஃபிக்ஸ் பிராசஸர் யூனிட் வழங்கப்பட்டுள்ளது.

புதிய எம்20 சீரிஸ் 43 இன்ச் மாடலில் ஃபுல் ஹெச்.டி. டிஸ்ப்ளே 1920×1080 ரெசல்யூஷன், 60ஹெர்ட்ஸ் ரிஃப்ரெஷ் ரேட், 20 வாட்ஸ் இன்பில்ட் ஸ்பீக்கர் அவுட்புட் கொண்டிருக்கிறது. இறுதியில் 49-இன்ச் மாடலிலும் ஃபுல் ஹெச்.டி. 1080 பிக்சல் டிஸ்ப்ளே, 60 ஹெர்ட்ஸ் ரிஃப்ரெஷ் ரேட், 20 வாட் ஸ்பீக்கர் செட்டப் வழங்கப்பட்டுள்ளது.

இத்துடன் 2 ஹெச்.டி.எம்.ஐ., 2 யு.எஸ்.பி. மற்றும் ஒரு வி.ஜி.ஏ. போர்ட்கள் வழங்கப்பட்டுள்ளது. மேலும் சொந்த ஆப் ஸ்டோர் மற்றும் ஏ.பி.கே. செயலிகளை பயன்படுத்தும் வசதி வழங்கப்பட்டுள்ளது. இந்தியாவில் ஸ்கைவொர்த் எம்20 ஸ்மார்ட் எல்.இ.டி. டிவி 32-இன்ச் வேரியன்ட் விலை ரூ.12,999, 43-இன்ச் வேரியன்ட் ரூ.22,999 மற்றும் 49-இன்ச் வேரியன்ட் ரூ.29,999 என நிர்ணயம் செய்யப்பட்டுள்ளது. பயனர்கள் மூன்று டி.வி. மாடல்களையும் அமேசான் வலைதளத்தில் விற்பனை செய்யப்படுகிறது. #smarttv

எல்ஜி நிறுவனத்தின் புதிய தொலைகாட்சி மாடல்கள் இந்தியாவில் அறிமுகமாகி உள்ளன. செயற்கை நுண்ணறிவு தொழில்நுட்பம் கொண்டிருக்கும் புதிய டிவி மாடல்கள் OLED, சூப்பர் UHD, UHD மற்றும் ஸ்மார்ட் டிவி பிரிவுகளில் வெளியிடப்பட்டுள்ளன. 

இவற்றில் ஆல்ஃபா 7 மற்றும் ஆல்ஃபா 9 பிராசஸர்களை கொண்டிருக்கின்றன. வாய்ஸ் கன்ட்ரோல், வெப் ஓ.எஸ். சப்போர்ட், மொபைல் ரெடி கனெக்ஷன் ஓவர்லே மற்றும் டால்பி அட்மாஸ் சரவுன்டு சவுன்டு சப்போர்ட் கொண்டிருக்கிறது.

அனைத்து எல்ஜி டிவி மாடல்களிலும் புதிய ரிமோட் கன்ட்ரோல் - மேஜிக் ரிமோட் என்ற பெயரில் வழங்கப்பட்டு இருக்கிறது. இதை கொண்டு பாயின்ட், க்ளிக், ஸ்கிரால் மற்றும் வாய்ஸ் கமான்ட் உள்ளிட்டவற்றை பயன்படுத்த முடியும். இன்டர்நெட் வசதி இல்லாமலும் 800-க்கும் அதிகமான வாய்ஸ் கமான்ட்களை புதிய  டிவி மாடல்கள் சப்போர்ட் செய்கின்றன. இந்த டிவிக்கள் கேமிங் கன்சோல்களில் இருந்து சவுன்ட் பார் உள்ளிட்டவற்றை செட்டப் செய்யும் வழிமுறைகளுடன் வருகிறது.

இத்துடன் மொபைல் கனெக்ஷன் ஓவர்லே எனும் அம்சம் மொபைல் மற்றும் தொலைகாட்சி திரைகளை ஒரே நேரத்தில் பார்க்க வழி செய்கிறது. இத்துடன் பயனர்கள் கூகுள் போட்டோஸ் மற்றும் கூகுள் டிரைவ் உள்ளிட்டவற்றை எல்ஜி டிவியில் கிளவுட் போட்டோஸ் மற்றும் வீடியோஸ் ஆப் மூலம் பயன்படுத்த வழி செய்கிறது.

இதில் வழங்கப்பட்டு இருக்கும் ப்ளூடூத் அம்சம் கொண்டு பயனர்கள் டிவி ஆடியோக்களை, ப்ளூடூத் வசதி கொண்ட ஆடியோ சாதனம் அல்லது ஸ்மார்ட்போன்களில் கேட்டு ரசிக்க முடியும். மேலும் HDR, டால்பி விஷன், டெக்னிகலரின் மேம்படுத்தப்பட்ட HDR வசதி, HDR 10 ப்ரோ மற்றும் ஹெச்.எல்.ஜி. ப்ரோ உள்ளிட்ட வசதிகளை கொண்டிருக்கிறது.

எல்.ஜி.-யின் 2018 OLED டிவி மாடல்களில் ஆல்ஃபா 9 பிராசஸர் வழங்கப்பட்டு இருக்கிறது. இது நாய்ஸ் ரிடக்ஷன் அம்சம், மேம்படுத்தப்பட்ட கலர் கரெக்ஷன் அல்காரிதம் உள்ளிட்டவற்றை ஒருங்கிணைத்து, உயர் ரக ஃபிரேம் ரேட் மூலம் நொடிக்கு 120 ஃபிரேம் தரத்தில் அதிக துல்லியமான மோஷன் படங்களை வழங்குகிறது.

எல்ஜி நிறுவனத்தின் 2018 சூப்பர் UHD டிவி மாடல்களில் 4K, தின்க் ஏ.ஐ. (ThinQ AI), ஆல்ஃபா 7 பிராசஸர், டால்பி அட்மாஸ் வசதி கொண்டிருக்கிறது. இத்துடன் நானோ செல் டிஸ்ப்ளே கிட்டத்தட்ட 100 கோடி நிஜ வாழ்க்கை நிறங்களை பிரதிபலிக்கிறது, இது வழக்கமான டிவி மாடல்களை விட 64 மடங்கு தரமானது என தெரிவிக்கப்பட்டுள்ளது. இரண்டு 2018 OLED மற்றும் சூப்பர் UHD டிவி மாடல்களிலும் 4K சினிமா HDR மற்றும் டால்பி அட்மாஸ் சார்ந்த சரவுன்டு சவுன்டு தொழில்நுட்பம் கொண்டுள்ளது.

எல்ஜி இந்தியாவில் அறிமுகம் செய்திருக்கும் புதிய டிவி மாடல்கள் 32 இன்ச் முதல் 77 இன்ச் விலை ரூ.32,500-இல் துவங்குகிறது. #SMARTTV

சாம்சங் எலெக்ட்ரிகானிக்ஸ் நிறுவனத்தின் 2018 சீரிஸ் தி ஃபிரேம் டிவி மாடல்கள் அறிமுகம் செய்யப்பட்டுள்ளன. மேம்படுத்தப்பட்ட அம்சங்கள், புதிய கஸ்டமைசேஷன் வசதிகள் மற்றும் 800-க்கும் அதிகமான கலை வடிவங்கள் புதிய ஃபிரேம் டிவி-க்களில் வழங்கப்பட்டுள்ளன. இவை உங்களின் வீட்டு அறையை அழகிய கேலரியாக மாற்றிவிடும்.

4K யு.ஹெச்.டி. ஸ்கிரீன் மற்றும் ஹெச்.டி.ஆர்.10 பிளஸ் கொண்டிருப்பதோடு, பயனர்கள் தங்களின் வைபை மற்றும் சாம்சங் அக்கவுன்ட் விவரங்களை மொபைல் போனில் இருந்து ப்ளூடூத் லோ எனெர்ஜி வழியாக பரிமாற்றம் செய்யும் வசதியை வழங்குகிறது. 

இத்துடன் சாம்சங்-இன் ஸ்மார்ட் ஹப் மெனு வழங்கப்பட்டு இருப்பதால், பல்வேறு ஸ்ட்ரீமிங் சேவைகள், கன்சோல்கள் மற்றும் நேரலை டிவி உள்ளிட்டவற்றை இயக்க வழி செய்கிறது. இத்துடன் யுனிவர்சல் கைடு டிவி பயன்படுத்துவோருக்கு ஏற்ப தகவல்களை வழங்கும்.

டிவி மாடல்களை பொருத்த வரை உலகின் அதிக கலை வடிவங்களை சாம்சங் ஆர்ட் ஸ்டோர் வழங்குவதாக அந்நிறுவனம் தெரிவித்துள்ளது. சமீபத்தில் சாம்சங் ஆர்ட் ஸ்டோரில் நியூ யார்க் டைம்ஸ்-இல் இருந்து 30 வரலாற்று சிறப்பு மிக்க புகைப்படங்களை சாம்சங் சேர்க்கப்பட்டது.

இதன் மூலம் பயனர்கள் ஒவ்வொரு அறையின் சூழலுக்கு ஏற்ப பிரத்யேக படங்களை தி ஃபிரேமில் செட் செய்ய முடியும். இத்துடன் பிக்ஸ்பி வாய்ஸ் அசிஸ்டன்ட் வசதியும் இந்த டிவியில் சேர்க்கப்பட்டுள்ளது. மேம்படுத்தப்பட்ட யூசர் இன்டர்ஃபேஸ் மூலம் பயனர்கள் வசிக்கும் அறையின் நிறத்துக்கு ஏற்பட கேலரிக்களில் ஒன்றை தேர்வு செய்ய முடியும்.

டிவி பயன்படுத்தப்படாத நிலையில் மோஷன் மற்றும் பிரைட்னஸ் சென்சார்கள் தி ஃபிரேம்-ஐ டிவியில் இருந்து கலை வடிவமாக மாற்றி, ஸ்கிரீன் பிரைட்னஸ்-ஐ அறையில் உள்ள சூழலுக்கு ஏற்ப கச்சிதமாக மாற்றியமைக்கும்.

சாம்சங் நிறுவனத்தின் 2018 தி ஃபிரேம் டிவி மாடல்களின் முன்பதிவு சாம்சங் அதிகாரப்பூர்வ வலைத்தளத்தில் துவங்கியுள்ளது. அமெரிக்காவில் 55 இன்ச் வேரியன்ட் விலை 1999 டாலர்கள் (இந்திய மதிப்பில் ரூ.1,37,255) என்றும் 65 இன்ச் மாடல் விலை 2799 டாலர்கள் (இந்திய மதிப்பில் ரூ.1,92,185) என நிர்ணயம் செய்யப்பட்டுள்ளது.

கிளவுட்வாக்கர் டெக் ஸ்டார்ட்-அப் நிறுவனம் தனது கிளவுட் டிவி X2 மாடல்களில் புதிய டிவிக்களை அறிமுகம் செய்துள்ளது. 

ஆன்ட்ராய்டு 7.0 நௌக்கட் இயங்குதளம், குவாட்-கோர் ARM கார்டெக்ஸ் பிராசஸர், 1 ஜிபி ரேம், 8 ஜிபி இன்டெர்னல் மெமரி கொண்டிருக்கிறது. ரூ.14,990 முதல் துவங்கும் ஸ்மார்ட் டிவி மாடல்கள் 32 இன்ச் மற்றும் 55 இன்ச் என இருவித டிஸ்ப்ளேக்களில் கிடைக்கிறது.

இந்தியாவில் தயாரிக்கப்பட்ட கிளவுட் டிவி X2 மாடலில் டிஸ்கவரி இன்ஜின் கொண்டிருக்கிறது. இவை பல மணி நேரங்கள் ஓடக்கூடிய வீடியோக்களை பயனர் விருப்பத்திற்கு ஏற்ப வழங்கும். மேம்படுத்தப்பட்ட புதிய சூப்பர் ரிமோட் இன்-பில்ட் ஏர் மவுஸ் மூலம் பாயின்ட் மற்றும் க்ளிக் நேவிகேஷன் வசதியை வழங்குகிறது.

இதன் பேசிக் அம்சங்களை பொருத்த வரை வயர்லெஸ் மீடியா மூலம் மொபைலில் இருக்கும் தரவுகளை டிவி திரையில் பகிர்ந்து கொள்ள முடியும், மொபைல் ஸ்கிரீன் மிரரிங், எக்ஸ் லூமினஸ் டிஸ்ப்ளே, பாக்ஸ் ஸ்பீக்கர்கள் மற்றும் பில்ட்-இன் வை-பை உள்ளிட்டவை வழங்கப்பட்டுள்ளது. இத்துடன் மூவி பாக்ஸ் செயலியை பயன்படுத்த வாழ்நாள் சந்தா இலவசமாக வழங்கப்படுகிறது.

கிளவுட்வாக்கர் நிறுவனம் ஏற்கனவே வளைந்த 4K டிவிக்கள், ஃபிளாட் 4K டிவிக்கள் மற்றும் ஃபுல் ஹெச்டி டிவிக்களை விற்பனை செய்கிறது. ஃபுல் ஹெச்டி டிவி சீரிஸ் நான்கு வேரியன்ட்கள் 50-இன்ச், 39-இன்ச் மற்றும் 32-இன்ச் ஸ்கிரீன் அளவுகளில் கிடைக்கிறது. 50-இன்ச் ஸ்கிரீன் மாடல் ப்ளிப்கார்ட் தளத்தில் ரூ.29,999 முதல் துவங்குகிறது.

முந்தைய கிளவுட்வாக்கர் டிவி மாடல்களில் டால்பி டிஜிட்டல் சவுன்ட் தொழில்நுட்பம், ப்ளூடூத் மற்றும் டூயல்-பேன்ட் வைபை தொழில்நுட்பங்கள் வழங்கப்பட்டு இருக்கும் நிலையில் புதிய 4K-ரெடி டிவி மாடல்களிலும் இந்த அம்சங்கள் வழங்கப்படும் என கூறப்படுகிறது.

புதுடெல்லி:

சாம்சங் நிறுவனத்தின் 2018 தொலைகாட்சி மாடல்கள் - கியூ எல்இடி (QLED), மிட்-ரேஞ்ச் யுஹெச்டி (UHD) மற்றும் மேக் ஃபார் இந்தியா கான்செர்ட் சீரிஸ் டிவிக்கள் இந்தியாவில் அறிமுகம் செய்யப்பட்டுள்ளன.

புதிய தொலைகாட்சி மாடல்களில் தலைசிறந்த வடிவமைப்பு, மேம்படுத்தப்பட்ட திரை மற்றும் ஸ்மார்ட் அம்சங்கள் வழங்கப்பட்டுள்ளன. சாம்சங் புதிய கியூ எல்இடி டிவிக்களில் ஆம்பியன்ட் மோட் வழங்கப்பட்டு இருக்கிறது, இது நாள் முழுக்க பயனுள்ள தகவல்களை வழங்கி கொண்டிருக்கும். இந்த டிவி சுவரில் மிக நேர்த்தியாக பொருந்திக் கொண்டு காட்சிகளை சிறப்பாக ஒளிபரப்புகிறது. 

இத்துடன் வெப்பநிலை விவரங்களை திரையில் வழங்குவதோடு, உங்களின் புகைப்படங்களை பேக்கிரவுன்டு புகைப்படங்களாக செட் செய்யும் வசதியை வழங்குகிறது.

இவற்றில் உள்ள ஒன் இன்விசிபிள் கனெக்ஷன், சிறிய கேபிள் பயனரின் பவர் மற்றும் ஏவி தகவல்களை டிவிக்கு கொண்டு செல்கிறது. அதிகபட்சம் 15 மீட்டர் நீலமாக இருக்கும் இந்த கேபிள் டிவியை டேட்டா அல்லது மின்சார இணைப்பு இருக்கும் இடத்தில் வைக்க வேண்டிய தேவையை போக்குகிறது.

இத்துடன் எஸ் வாய்ஸ் (S VOICE) உடன் உரையாட முடியும். மேலும் ஸ்மார்ட் திங்ஸ் ஆப் வழங்கப்பட்டு இருப்பதால், டிவியை மற்ற இன்டர்நெட் ஆஃப் திங்ஸ் (IOT) சாதனங்களுடன் இணைத்து, தகவல் பரிமாற்றம், நோட்டிஃபிகேஷன் மற்றும் ஸ்கிரீன் மிரரிங் உள்ளிட்டவற்றை மேற்கொள்ள முடியும்.

 

புதிய சாம்சங் யுஹெச்டி டிவிக்களில் சுப்பீரியர் ஹை-டைனமிக் ரேஞ்ச் (superior High Dynamic Range) மூலம் இயங்குகிறது. இவை மிக நுனுக்கமான பிரைட்னஸ், டீப் கான்ட்ராஸ்ட், காட்சிகளை அதிக தெளிவாக அவற்றின் இயற்கை நிறங்களில் பிரதிபலிக்கும். இதன் டைனமிக் க்ரிஸ்டல் கலர் தொழில்நுட்பம் அதிக தரத்தில் காட்சிகளை பார்க்க வழி செய்கிறது. யுஹெச்டி வேரியன்ட்களில் ரிமோட் கன்ட்ரோல், ஸ்மார்ட் ஹப் மற்றும் ஸ்மார்ட் கன்வெர்ஜன்ஸ் உள்ளிட்ட அம்சங்கள் வழங்கப்பட்டுள்ளது.

சாம்சங் கான்செர்ட் சீரிஸ் மாடல்களில் ஸ்மார்ட் கான்செர்ட் மற்றும் ஜாய் கான்செர்ட் என இரண்டு வேரியன்ட்களில் கிடைக்கிறது. 2018 கான்செர்ட் சீரிஸ் டிவிக்களில் புதிய சவுன்ட் தொழில்நுட்பம் வழங்கப்பட்டுள்ளது. இது ஹார்டுவேர் மற்றும் மென்பொருள்களை இணைந்து அதிக தரமுள்ள சினிமாடிக் அனுபவத்தை வழங்குகிறது. இதில் வழங்கப்படடு இருக்கும் 4 ஸ்பீக்கர்கள் ஒவ்வொன்றும் 10W சவுன்ட் வழங்குகிறது. 

இத்துடன் ப்ளூடூத் சப்போர்ட் வழங்கப்பட்டிருக்கிறது. இதன் ஸ்மார்ட் ஹப் அம்சம் இணையத்தில் தரவுகளை வழங்கும் ஜியோ சினிமா, நெட்ஃப்ளிக்ஸ், அமேசான் பிரைம் போன்ற பல்வேறு சேவைகளில் உள்ள வீடியோக்களை பார்த்து ரசிக்க முடியும்.

புதிய 8 சாம்சங் கியூ எல்இடி டிவிக்கள் 55-இன்ச் முதல் 75-இன்ச் வரை கிடைக்கின்றன, இவற்றின் விலை ரூ.2,45,000 முதல் துவங்குகிறது. என்ட்ரி-லெவல் யுஹெச்டி மாடல் 7100 சீரிஸ் முதல் துவங்குகிறது. யுஹெச்டி டிவி விலை ரூ.64,900 முதல் துவங்குகிறது. ஸ்மார்ட் கான்செர்ட் மற்றும் ஜாய் கான்செர்ட் டிவி மாடல்கள் விலை ரூ.27,500 முதல் துவங்குகிறது.

பீஜிங்:

சியோமி நிறுவனத்தின் Mi8 நிகழ்வில் 75-இன்ச் திரை கொண்ட Mi டிவி4 மாடல் அறிமுகம் செய்யப்பட்டுள்ளது. புதிய சியோமி ஸ்மார்ட் டிவி 11.4 மில்லிமீட்டர் மெல்லிய மெட்டல் பாடி மற்றும் அலுமினியம் ஃபிரேம் கொண்டிருக்கிறது. சியோமி இதுவரை அறிமுகம் செய்ததில் மிகப்பெரிய எல்இடி டிவி மாடலாக புதிய Mi டிவி4 இருக்கிறது.

கடந்த ஆண்டு சியோமி நிறுவனம் 49-இன்ச், 55-இன்ச் மற்றும் 65-இன்ச் Mi டிவி மாடல்களை அறிமுகம் செய்தது. புதி்ய Mi டிவி4 சியோ ஏஐ குரல் அங்கீகார வசதி, ஆன்ட்ராய்டு இயங்குதளம் சார்ந்து இயங்கும் பேட்ச்வால் யூசர் இன்டர்ஃபேஸ் கொண்டிருக்கிறது. இத்துடன் டால்பி மற்றும் டிடிஎஸ் ஆடியோ வசதி வழங்கப்பட்டுள்ளது.

ப்ளூடூத் மற்றும் இன்ஃப்ராரெட் மூலம் இயங்கும் Mi ரிமோட் கன்ட்ரோல் வழங்கப்படுகிறது. இது Miடிவி மட்டுமின்றி, வீட்டு உபயோக சாதனங்கள் மற்றும் செட் டாப் பாக்ஸ் போன்ற சாதனங்களை இயக்கும் வசதி கொண்டிருக்கிறது.

- 75-இன்ச் 3840x2160 பிக்சல் 4K டிஸ்ப்ளே

- 1.8 ஜிகாஹெர்ட்ஸ் குவாட்கோர் அம்லாஜிக் T966 கார்டெக்ஸ்-A53 பிராசஸர்

- மாலி-T830 MP2 GPU

- 2 ஜிபி DDR4 டூயல்-சேனல் ரேம்

- 32 ஜிபி இன்டெர்னல் மெமரி

- MIUI டிவி மற்றும் பேட்ச்வால் 

- சியோ ஏஐ குரல் அங்கீகார வசதி

- வைபை, ப்ளூடூத், Mi போர்ட், 3 x HDMI 2.0, AV, 2 x யுஎஸ்பி,  1 x ஈத்தர்நெட்

- 2x 8W ஸ்பீக்கர், டால்பி ஆடியோ, டிடிஎஸ்-ஹெச்டி

சியோமி Mi டிவி4 75 இன்ச் ஹெச்டிஆர் டிவி விலை 8999 யுவான் (இந்திய மதிப்பில் ரூ.94,790) என நிர்ணயம் செய்யப்பட்டுள்ளது. சீனாவில் புதிய Mi டிவி4 மாடல் ஜூன் 6-ம் தேதி முதல் விற்பனை செய்யப்பட இருக்கிறது.

புதுடெல்லி:

சோனி நிறுவனம் X9000F சீரிஸ் 4K ஹெச்டிஆர் டிவிக்கள் இம்மாத துவக்கத்தில் இந்தியாவில் அறிமுகம் செய்தது. முன்னதாக இந்த டிவி இந்த ஆண்டு ஜனவரியில் நடைபெற்ற சர்வதேச நுகர்வோர் மின்சாதன விழாவில் அறிமுகம் செய்யப்பட்டது குறிப்பிடத்தக்கது.

புதிய சோனி டிவி மாடல்களில் X1 எக்ஸ்ட்ரீம் பிராசஸர் வழங்கப்பட்டுள்ளது. இவற்றில் ஸ்டிரைக்கிங் ஹைலைட்கள், டீப்பர் டார்க் மற்றும் வைப்ரன்ட் கலர்களை பிரதிபலிக்கிறது. இத்துடன் ஆப்ஜக்ட் சார்ந்த ஹெச்டிஆர் ரீமாஸ்டர், சூப்பர்பிட் மேப்பிங் 4K ஹெச்டிஆர் மற்றும் டூயல் டேட்டாபேஸ் பிராசஸிங் வழங்கப்பட்டுள்ளது.

ஆன்ட்ராய்டு டிவி வெர்ஷன் 7.0 மற்றும் சோனியின் பிரத்யேக யூசர் இன்டர்ஃபேஸ் (UI) மற்றும் க்ரோம்காஸ்ட் பில்ட்-இன் வசதியை வழங்குகிறது. இதன் டிரைலூமினஸ் டிஸ்ப்ளே சிவப்பு, பச்சை மற்றும் நீல நிறங்களை மிகவும் கச்சிதமாக பிரதிபலிக்கிறது. X டென்ட் செய்யப்பட்ட டைனமிக் ரேஞ்ச் PRO ஹெச்டிஆர் மற்றும் ஹெச்டிஆர் அல்லாத தரவுகளை தனியே வித்தியாசப்படுத்தி, பின்னணி நிறங்களை தானாக மாற்றியமைத்து XDR கான்ட்ராஸ்ட் தரத்தில் வீடியோக்களை வழங்குகிறது.

சோனியின் டைரக்ட் எல்இடி லோக்கல் டிம்மிங் மற்றும் பேக்லைட் பூஸ்டிங் அல்காரிதம் கொண்டு X-மோஷன் கிளேரிட்டி அம்சம் வேகமான ஆக்ஷன் படங்களை மிகவும் நேர்த்தியாகவும், தெளிவாகவும் காட்சிப்படுத்துகிறது. இதனால் புகைப்படங்கள் அதிக தரம் பெறுவதோடு பிரைட்னஸ் அளவில் எவ்வித இழப்பும் ஏற்படாது.

- 55/65/85-இன்ச் 3840x2160 பிக்சல் 4K HDR டிரைலூமினஸ் டிஸ்ப்ளே

- X-மோஷன் கிளேரிட்டி

- 4K ஹெச்டிஆர் பிராசஸர் X1 எக்ஸ்ட்ரீம்

- டைனமிக் கான்ட்ராஸ்ட் என்ஹான்சர்

- ஆப்ஜக்ட் சார்ந்த ஹெச்டிஆர் ரீமாஸ்டர்

- X-டென்ட் செய்யப்பட்ட டைனமிக் ரேஞ்ச் ப்ரோ

- 4K X-ரியாலிட்டி ப்ரோ

- 16 ஜிபி இன்டெர்னல் மெமரி

- ஆன்ட்ராய்டு டிவி 7.0

- க்ரோகாஸ்ட் மற்றும் கூகுள் அசிஸ்டண்ட் பில்ட் இன் வசதி

- வாய்ஸ் சர்ச் வசதி

- வைபை, ப்ளூடூத், யுஎஸ்பிx3, 1xஈத்தர்நெட்

- 10 W+10 W ஸ்பீக்கர், டால்பி டிஜிட்டல்

- டால்பி டிஜிட்டல் பிளஸ், டால்பி பல்ஸ்

- டிடிஎஸ் டிஜிட்டல் சரவுன்ட்

சோனி KD-85X9000F மற்றும் KD-65X9000F மாடல்கள் இந்தியாவில் முறையே ரூ.1,29,900 மற்றும் ரூ.3,39,900 என நிர்ணயம் செய்யப்பட்டுள்ளது. இவை இந்தியா முழுக்க இயங்கி வரும் அனைத்து சோனி விற்பனை மையங்களிலும், மற்ற மின்சாதன விற்பனை மையங்களிலும் விற்பனை செய்யப்படுகிறது. 55 இன்ச் சோனி பிரேவியா X9000F விலை ரூ.2,39,900 என நிர்ணயம் செய்யப்பட்டது. இதன் விற்பனை ஏற்கனவே துவங்கி தற்சமயம் நடைபெற்று வருகிறது.

பீஜிங்:

சியோமி நிறுவனத்தின் நான்கு புதிய Mi டிவி 4 மாடல்கள் சீனாவில் நடைபெற்ற விழாவில் அறிமுகம் செய்யப்பட்டுள்ளன. அனைத்து டிவி மாடல்களிலும் ஆன்ட்ராய்டு ஓஎஸ் சார்ந்த பேட்ச்வால் யூசர் இன்டர்ஃபேஸ் வழங்கப்பட்டுள்ளது. இது டீப் லேர்னிங் எனும் செயற்கை நுண்ணறிவு தொழில்நுட்பம் கொண்டு இயங்குகிறது.

4K டிவியுடன் Mi ரிமோட் கன்ட்ரோல் கொண்டுள்ளது. இன்ஃப்ராரெட் தொழில்நுட்பத்துடன் ப்ளூடூத் கொண்டுள்ளதால் வீட்டின் பல்வேறு சாதனங்கள், செட் டாப் பாக்ஸ் மற்றும் குரல் அங்கீகார வசதியை கொண்டுள்ளது.

- 55 இன்ச் 3840x2160 பிக்சல் 4K கர்வ்டு எல்இடி டிஸ்ப்ளே

- 1.5 ஜிகாஹெர்ட்ஸ் குவாட்கோர் அம்லாஜிக் கார்டெக்ஸ்-A53 சிப்செட்

- மாலி-450 MP3 GPU

- 2 ஜிபி ரேம்

- 8 ஜிபி இன்டெர்னல் மெமரி

- MIUI டிவி சார்ந்த ஆன்ட்ராய்டு

- வைபை 802.11 ac (2.4 / 5GHz), ப்ளூடூத் 4.2 LE, 3 x HDMI, AV, 2 x USB, 1 x ஈத்தர்நெட்

- ஹெச்டிஆர் 10 மற்றும் HLG,H.264, H.265, Real, MPEG1/2/4, WMV3, VC-1

- 2 x 8 வாட் ஸ்பீக்கர், டால்பி ஆடியோ / DTS- HD ஆடியோ டூயல் கோடிங்

- 55 இன்ச் 3840x2160 பிக்சல் 4K எல்இடி டிஸ்ப்ளே

- 1.5 ஜிகாஹெர்ட்ஸ் குவாட்கோர் அம்லாஜிக் கார்டெக்ஸ்-A53 சிப்செட்

- மாலி-450 MP3 GPU

- 2 ஜிபி ரேம்

- 8 ஜிபி இன்டெர்னல் மெமரி

- MIUI டிவி சார்ந்த ஆன்ட்ராய்டு

- வைபை 802.11 ac (2.4 / 5GHz), ப்ளூடூத் 4.2 LE, 3 x HDMI, AV, 2 x USB, 1 x ஈத்தர்நெட்

- ஹெச்டிஆர் 10 மற்றும் HLG,H.264, H.265, Real, MPEG1/2/4, WMV3, VC-1

- 2 x 8 வாட் ஸ்பீக்கர், டால்பி ஆடியோ / DTS- HD ஆடியோ டூயல் கோடிங்

- 43-இன்ச் 3840x2160 பிக்சல் 4K எல்இடி டிஸ்ப்ளே

- 1.5 ஜிகாஹெர்ட்ஸ் குவாட்கோர் அம்லாஜிக் கார்டெக்ஸ்-A53 சிப்செட்

- மாலி-450 MP3 GPU

- 1 ஜிபி ரேம்

- 8 ஜிபி இன்டெர்னல் மெமரி

- MIUI டிவி சார்ந்த ஆன்ட்ராய்டு

- வைபை 802.11 ac (2.4 / 5GHz), ப்ளூடூத் 4.2 LE, 3 x HDMI, AV, 2 x USB, 1 x ஈத்தர்நெட்

- ஹெச்டிஆர் 10 மற்றும் HLG,H.264, H.265, Real, MPEG1/2/4, WMV3, VC-1

- 2 x 6 வாட் ஸ்பீக்கர், டால்பி ஆடியோ / DTS- HD ஆடியோ டூயல் கோடிங்

- 32 இன்ச் 1366x768 பிக்சல் ஹெச்டி எல்சிடி டிஸ்ப்ளே

- 1.5 ஜிகாஹெர்ட்ஸ் மல்டிகோர் 64-பிட் பிராசஸர்

- மால்டிகோர் GPU

- 1 ஜிபி ரேம்

- 4 ஜிபி இன்டெர்னல் மெமரி

- MIUI டிவி சார்ந்த ஆன்ட்ராய்டு மற்றும் பேட்ச்வால்

- வைபை 802.11 ac (2.4 / 5GHz), 2 x HDMI, AV, 2 x USB, 1 x ஈத்தர்நெட், S/PDIF போர்ட்

- 2 x 8 வாட் ஸ்பீக்கர், DTS- HD ஆடியோ

சியோமி Mi டிவி 4எஸ் (55-இன்ச்) கர்வ்டு, Mi டிவி 4X 55 இன்ச், Mi டிவி 4எஸ் 43 இன்ச் மற்றும் Mi டிவி 4சி 32 இன்ச் மாடல்களின் விலை முறையே 3299 யுவான் (இந்திய மதிப்பில் ரூ.34,990), 2799 யுவான் (இந்திய மதிப்பில் ரூ.29,690), 1799 யுவான் (இந்திய மதிப்பில் ரூ.19,085) மற்றும் 999 யுவான் (இந்திய மதிப்பில் ரூ.10,600) என நிர்ணயம் செய்யப்பட்டுள்ளது. சீனாவில் புதிய Mi டிவி விற்பனை மே 31-ம் தேதி முதல் துவங்குகிறது.